KEREBAN MAIN RABAN BANSA IBAN

Dalam raban bansa Iban, kitai bisi ngembuan 4 iti kereban ti ketebal agi dikena dalam pengawa orang Iban. Kereban main nya endang baka ba pengawa meri anak mit mandi, pengawa berami, pengawa berumah enggau ke bukai. Kebuah bansa Iban bepangkung maya tiap iti pengawa nya ngambika enda ninga munyi burung jai dikena nyeliahka utai ke enda manah nyadi.

Gendang

Gendang digaga ari kayu,lalu ditebuk ba tengah-tengah.ba bahagian ujung mua kayu ke ditebuk,dililit ngena kulit jelu.ba bahagian ujung mua kayu ke sigi agi,di lak ke baka nya aja.Gendang dipalu nitih ke leka munyi ke manah sereta nitih ke tuju enggau guna pengerami.

Engkerumung

Engkerumung digaga ari perenggu ke baka periuk mit.Berbusut ba tengah-tengah mua.Lapan iti engkerumung bagi siti set dibaris ke ba atas para ke panjai.engkerumung diguna dalam perengka main ke bukai baka tawak,bebendai enggau gendang.Alun munyi engkerumung chukup manah maya iya ditebah begulai enggau perengka ke bukai.Cara main engkerumung,engkerumung dibaris ke ba atas para kayu ke panjai lalu dipalu enggau cara ke betul nitih ke tuju pengerami.

Bebendai

Bebendai kurang lebih baka tawak,semina bebendai ukai dikena bertesau baka tawa.Bebendai mega siti ari perenaka dikena bermain maya bisi pengerami.

Tawak

Tawak digaga ari perunggu ke segala,tisi ai meleku ke baruh,beruang ba dalam enggau gembo ba tengah-tengah ba muak ke luan.
Tawak dikena maya bisi pengerami baka gawai.kelimpah ari nya,tawak mega dikena orang dulu suba bertesau nyema bisi penusah enggau utai bukai.Tawak to mega ketanda kereban aki ini kitai dulu kelia.